Pieršyja vajenna-spartyŭnyja hulni armij dziaržaŭ — udzielnic SND projduć u Rasii z 25 pa 31 lipienia, paviedamili ŭ Ministerstvie abarony RF.
Spabornictvy ŭ hod 70-hodździa Pieramohi ŭ Vialikaj Ajčynnaj vajnie projduć pa rašeńni Savieta ministraŭ abarony dziaržaŭ SND. Svoj udzieł u hulniach paćvierdzili ŭžo šeść dziaržaŭ: Biełaruś, Kazachstan, Kyrhyzstan, Armienija, Tadžykistan i Rasija. Čakajecca, što ŭ spabornictvach prymuć udzieł kala 300 čałaviek.
Spabornictvy buduć pravodzicca pa dziesiaci vidach sportu. Ź ich šeść vajenna-prykładnych: armiejski rukapašny boj, stralba sa štatnaj zbroi, kamandzirskija starty, vajenna-spartyŭnaje mnahaborje, mižnarodnaje vajennaje piaciborje, letniaje aficerskaje trochborje, a taksama čatyry vidy, majučyja važnaje značeńnie dla padrychtoŭki vajennasłužačych: dziudo, hiravy sport, płavańnie i spartyŭnaje aryjentavańnie.
