Siońnia, 21 lipienia, Ščokinski rajonny sud Tulskaj vobłaści RF vynies rašeńnie pa kryminalnaj spravie A. Bandarenki, jaki abvinavačvajecca ŭ machlarstvie, paviedamlaje tsn24.ru.
Bandarenka — žychar Ałtajskaha kraju — ŭ 2014 hodzie praź internet paznajomiŭsia z žycharkaj Tuły Š. i, raspaviadajučy pra siabie, paviedamiŭ joj, što źjaŭlajecca apałčencam i prymaje ŭdzieł u bajavych dziejańniach na terytoryi Danieckaj vobłaści. Jon paprasiŭ u jaje finansavaj dapamohi na vajennyja patreby. Žančyna pieravodziła hrošy na jaho kartku 14 razoŭ. Ahulnaja suma skłała kala 400 tysiač rubloŭ (prykładna $7000 — Red.).
Paciarpiełaja Š. ŭ sudzie nastojvała na strohim pakarańni vinavataha.
«Padsudny vinavatym siabie pryznaŭ całkam, ŭ zroblenym raskajaŭsia, — raspaviali ŭ pres-słužbie USD pa Tulskaj vobłaści. — U apošnim słovie paviedamiŭ, što namieru na ździajśnieńnie złačynstva jon nie mieŭ; usio toje, što adbyłosia, źviazana ź jaho pracaj nad mastackim tvoram — knihaj pad nazvaj «Vyšej za nas tolki zorki». Usie hieroi tvora źjaŭlajucca vydumanymi piersanažami, pratatypami jakich byli realnyja ludzi — udzielniki bajavych dziejańniaŭ i dobraachvotniki, jakija akazvajuć humanitarnuju dapamohu «narodnamu apałčeńniu DNR», u tym liku dla vykupu ludziej z pałonu. Adnym z pratatypaŭ takich dobraachvotnikaŭ była i paciarpiełaja. Taksama Bandarenka paviedamiŭ, što Taksama Bandarenka paviedamiŭ, što maje namier całkam pakryć škodu paciarpiełaj i padaryć joj niekalki asobnikaŭ knihi».
Sud prysudziŭ jaho da štrafu ŭ 200 000 rubloŭ i kampiensacyi ŭronu.
