«Siońnia paśla praciahłaj chvaroby pajšoŭ z žyćcia Andrej Charkaviec. Panichida adbudziecca 24 lipienia ŭ budynku KZ «Minsk», — paviedamili BiełTA va ŭradzie.
Pachavajuć Andreja Charkaŭca na mohiłkach pasiołka Ždanovičy.
Charkaviec Andrej Michajłavič naradziŭsia ŭ 1963 hodzie ŭ Minsku. U 1985 hodzie skončyŭ Biełaruski dziaržaŭny instytut narodnaj haspadarki, u 2006 hodzie — Akademiju kiravańnia pry Prezidencie Respubliki Biełaruś. Z 1985 hoda byŭ na roznych pasadach u Ministerstvie finansaŭ: ad starejšaha ekanamista da pieršaha namieśnika ministra. U 2008—2014 hadach - ministr finansaŭ Biełarusi.
Andrej Charkaviec byŭ vyzvaleny ad pasady ministra finansaŭ roŭna hod tamu, 21 lipienia 2014 h. Razmovy pra adstaŭku hod tamu cyrkulavali apošnija paru miesiacaŭ. I pryčynaj byŭ stan zdaroŭja ministra. Pałovu 2014 h. Charkaviec nie ŭźnikaŭ u stužkach navin, nie ŭdzielničaŭ jon u kalehii ministerstva. Nie ŭklučyli jaho i ŭ skład Rady biaśpieki, chacia ministr finansaŭ tam zaŭsiody prysutničaŭ. Tady kazałasia, što Charkaviec znachodziŭsia na lačeńni ŭ adnoj z krain ES.
Piać faktaŭ pra zvolnienaha siońnia ministra finansaŭ Andreja Charkaŭca (archiŭny artykuł)
Kamientary