U Hancavickim rajonie ŭ piatnicu, 24 lipienia, zdaryŭsia niaščasny vypadak. Kala 23-j hadziny bliz vioski Małyja Kruhovičy vykładčyk Akademii MUS Ju.M. (u 2005—2007 hadach jon byŭ načalnikam Akademii) zastreliŭ inšaha palaŭničaha.
Jak piša hazieta «Hancavicki čas», strełam z naraznoha palaŭničaha karabina «Tytan Alfa» jon paceliŭ u hałavu žycharu Hancavičaŭ.
Pavodle źviestak BiełTA, žychar Hancavičaŭ samavolna pakinuŭ pryznačanaje jamu miesca palavańnia, nikoha nie papiaredziŭšy. Jon pierajšoŭ na novaje miesca. Pry hetym druhi palaŭničy, jaki znachodziŭsia na adlehłaści kala 150 m, mierkavaŭ, što na rubiež vyjšaŭ dzik, i streliŭ.
61-hadovy piensijanier zahinuŭ na miescy. Śledčy kamitet pačaŭ kryminalnuju spravu pa fakcie śmierci pa nieaściarožnaści.
