Ekśpiertyza pravodziłasia ŭ Respublikanskaj kliničnaj psichijatryčnaj balnicy «Navinki» (Minsk). Pra heta BiełaPAN paviedamiŭ pieršy namieśnik prakurora Minskaj vobłaści Mikałaj Pilinkievič.
Pavodle jaho słoŭ, paśla zakančeńnia rasśledavańnia spravy materyjały buduć pieradadzieny ŭ sud Minskaj vobłaści, jaki pavinien pryniać rašeńnie ab prymianieńni ŭ dačynieńni da maładoha čałavieka, jaki znachodzicca pad vartaj, mier biaśpieki i prymusovaha lačeńnia.
Abvinavačańnie va ŭčynieńni złačynstva, praduhledžanaha p. 2 č. 2 art. 139 Kryminalnaha kodeksa (naŭmysnaje zabojstva zaviedama małaletniaha), było vystaŭlena minčaninu 11 studzienia. Z sankcyi prakuratury jon byŭ aryštavany.
Nahadajem, cieła druhakłaśnicy Biełaruckaj siaredniaj škoły (Łahojski rajon Minskaj vobłaści) było znojdziena supracoŭnikami kryminalnaha vyšuku 3 studzienia pad budaŭničym vahončykam kala lasnoha masivu na adlehłaści prykładna siami kiłamietraŭ ad pasiołka Biełaručy, dzie dziaŭčynka žyła z maci, i dvuch kiłamietraŭ ad sadavodstva «Lasnoje‑90». Ustanoŭlena, što śmierć dziaŭčynki nastupiła ŭ vyniku hvałtoŭnych dziejańniaŭ.
I.Kuželnaja znachodziłasia ŭ vyšuku z 23 listapada 2007 hoda.