U Škłovie z pastamienta steły z hieraldyčnym znakam źniataja šylda z napisanaj pa-rusku nazvaj horada i aficyjna pryznanaj dataj zasnavańnia.
Pra źniaćcie siońnia šyldy z nadpisam «Škłov 1535» BiełaPAN paviedamiŭ žychar Škłoŭskaha rajona Piatro Mihurski. Načalnik rajonnaha adździeła ideałahičnaj pracy, kultury i pa spravach moładzi Siarhiej Artamonaŭ prykładna ŭ 13.00 abvierh infarmacyju. Dvaccaćciu chvilinami paźniej žychar Škłova Alaksandr Hrudzina paćvierdziŭ BiełaPAN, što nadpis, jaki vyklikaŭ vialiki hramadski rezanans, adsutničaje na pastamiencie.
Nahadajem, na minułym tydni ŭ Škłovie ŭstanavili novy hieraldyčny znak — hierb horada na 11-mietrovaj stele.
Rezanans u hramadskaści vyklikała napisańnie na pastamiencie nazvy biełaruskaha horada na ruskaj movie, a taksama toje, što ŭ jakaści daty pieršaha letapisnaha zhadvańnia ŭkazany 1535 hod, kali Škłoŭ byŭ spaleny maskoŭskim vojskam.
Apazicyjny palityk Ryhor Kastusioŭ, jaki žyvie ŭ Škłovie, raniej zajaviŭ pra namier źviarnucca da kiraŭnika dziaržavy, kab damahčysia vypraŭleńnia moŭnych i histaryčnych promachaŭ na hieraldyčnym znaku.
