Užo 10 dzion patencyjnyja kandydaty na prezidenta i členy ichnich kamandaŭ razmaŭlajuć z vybarcami, stajać u pikietach, abychodziać kvatery.
Pretendent ad Abjadnanaj hramadzianskaj partyi Anatol Labiedźka paśla sustrečaŭ z vybarcami ličyć, što pra sioletniuju vybarčuju kampaniju nielha kazać tolki niehatyŭna albo tolki pazityŭna:
«Z adnaho boku, ja kanstatuju: ułada z vybarčaj sistemaj pryjšła ŭ tupik. Cikavaści da vybarčaj kampanii, navat prezidenckaj, niama. U ludziej nie harać vočy. Jany chočuć pieramienaŭ, ale nie hladziać na vybary jak na instrumient pieramienaŭ. Tut nie adčuvajecca niepasrednaj suviazi.
Razam z tym, kali razmaŭlaješ ź ludźmi, a dla mianie heta nie 10 dzion, a ŭžo dva miesiacy vandrovak pa rehijonach, bačyš, što jość vysokaja cikavaść da našaha pasłańnia «Miljon novych pracoŭnych miescaŭ». Heta ludziej realna chvaluje.
Adnak jany, staviačy podpis za našu prahramu, za mianie asabista, adnačasova kažuć: my nia vierym, što ŭ nas niešta źmienicca, u nas albo nia ličać hałasy, albo my idziom, hałasujem-hałasujem, a ŭ vyniku atrymlivajecca zusim inšaje.
Dumaju, uładzie treba zadumacca, što rabić. Bo heta pieršaja prezidenckaja kampanija z takoj nizkaj cikavaściu. To bok jość cikavaść da pieramienaŭ, ale niama cikavaści da vybarčaj kampanii».
Adnak ludzi čakajuć, kaža patencyjny kandydat na prezidenta ad partyi «Spraviadlivy śviet» Siarhiej Kalakin: «Čakajuć, što źjavicca niejki Betman, niejki cudatvorca, chto vyrašyć usie ich prablemy. Ale bieź ich udziełu. Adnak takoha ž nie byvaje. Hetki stan ludziej vielmi niebiaśpiečny dla budučyni našaj krainy».
Zbor podpisaŭ za patencyjnych kandydataŭ na prezidenta praciahniecca pa 21 žniŭnia ŭklučna.
