Sienat ZŠA pryniaŭ u piatnicu da razhladu zakonaprajekt «Sesił» suprać brakańjerstva. Nazva zakonopriekta niepasredna źviazana ź mianuškaj samaha znakamitaha lva ŭ Zimbabvie, jaki niadaŭna byŭ zabity amierykanskim stamatołaham i viadomym palaŭničym Uołtaram Pałmieram.
Zabojstva ŭ Zimbabve lva Sesiła, jaki ličyŭsia simvałam Nacyjanalnaha parku Chvanhie, vyklikała abureńnie ŭ śviecie.
Trynaccacihadovy leŭ Sesił, ulubioniec miascovaha nasielnictva i zamiežnych turystaŭ, uładalnik čornaj hryvy, jakaja vyklikała ŭsieahulnaje zachapleńnie, byŭ zabity 1 lipienia la miažy Nacyjanalnaha parku Chvanhie ŭ Zimbabvie, kudy jaho zavabili miortvaj žyviołaj, pryviazanaj da aŭtamabila palaŭničych.
Asobu zabojcy chutka vyznačyli — heta daśviedčany palaŭničy, dantyst z amierykanskaha štata Miniesota Uołtar Džejms Pałmier. Pałmier, jaki zapłaciŭ za palavańnie bolš za 50 tysiač dalaraŭ, zajaŭlaje ciapier, što jaho pravadniki mieli ŭsie nieabchodnyja dazvoły.
Jon vykazaŭ «hłybokaje škadavańnie» ŭ suviazi sa zdareńniem, adznačyŭšy, što «paniaćcia nie mieŭ» pra viadomaść lva Sesiła i pra toje, što heta žyvioła była pradmietam navukovych daśledavańniaŭ supracoŭnikaŭ Oksfardskaha ŭniviersiteta.
Pałmier zajaviŭ taksama, što ź im užo źviazalisia pradstaŭniki jak amierykanskich, tak i zimbabvijskich uładaŭ, i jon hatovy akazać dapamohu śledstvu. Artykuł pra nielehalnaje palavańnie ŭ Zimbabvie praduhledžvaje pazbaŭleńnie voli na termin da 10 hadoŭ.
Biełamu zimbabvijskamu prafiesijnamu palaŭničamu Tea Bronkarstu i miascovamu ziemleŭładalniku Oniestu Ndłovu, jakija supravadžali amierykanca, pradjaŭlenyja abvinavačvańni ŭ brakańjerstvie. U abodvuch nie było dazvołaŭ na adstreł lva.
U nacyjanalnych parkach Zimbabvie palavańnie całkam zabaronienaje, tamu Sesiła vymanili za miežy parku Chvanhie.
Jak raspaviali supracoŭniki Upraŭleńnia achovy navakolnaha asiarodździa Zimbabvie, Pałmier paraniŭ Sesiła, na jakoha byŭ nakiravany pramień pražektara, strałoj z arbaleta, adnak rana nie była śmiarotnaj, i leŭ uciok. Praz 40 hadzin jany znoŭ znajšli źviera, zastrelili jaho i adsiekli žyviole hałavu, a tušu lva pakinuli na miescy.
Jak vyśvietliłasia, brakańjery sprabavali źniščyć ašyjnik lva, u jakim znachodziłasia pryłada, jakaja dazvalała vyznačyć jaho miescaznachodžańnie. Miarkujučy pa ŭsim, palaŭničyja zrazumieli, što zabili «nie taho lva», i chacieli zamieści ślady. Adnak umantavany ŭ abrožak pieradatčyk praciahvaŭ pasyłać sihnał GPS, i pareštki Sesiła byli nieŭzabavie vyjaŭlenyja.
Sesił byŭ faktyčna napałovu ručnoj žyviołaj.
Jak adznačaje kiraŭnik Upraŭleńnia achovy navakolnaha asiarodździa Džoni Radryhies, Sesił byŭ baćkam niekalkich ilvianiat, jakija, jak zajaŭlajuć śpiecyjalisty, ciapier, chutčej za ŭsio, buduć zabityja ilvom, jakija stanie novym važakom zhrai:
«Pryroda takaja, što zaraz pryjdzie novy važak, zabje usich ilvianiat Sesiła, kab samki znoŭ zachacieli mieć naščadkaŭ, i takim čynam praciahnie ŭłasny rod. U hetym hałoŭnaja trahiedyja».
Uołter Džejms Pałmier dobra viadomy ŭ palaŭničych kołach. Jon palavaŭ z arbaletam na leapardaŭ, bujvałaŭ, nasarohaŭ, łasioŭ i inšych bujnych žyvioł.
U 2008 hodzie Pałmier pryznaŭsia ŭ zabojstvie ŭ štacie Viskansin čornaha miadźviedzia barybała, skazaŭšy na sudzie, što spadziavaŭsia na prafiesijanalizm pravadyroŭ, jakija supravadžali jaho, i byŭ upeŭnieny ŭ zakonnaści hetaha palavańnia. Tady Pałmiera prysudzili da hoda vyprabavalnaha terminu.
Hibiel lva Sesiła spravakavała ŭsieahulnaje abureńnie — tvitar i staronku Pałmiera na fejsbuku apanavali hnieŭnyja kamientary.
U fejsbuku źjaviłasia supołka «Palavańnie na Uołtera Pałmiera». Jašče adna hrupa nazyvajecca «Aryšt Uołtera Pałmiera». U pamiać pra zabitaha lva ludzi stali ŭskładać kvietki i miakkija cacki la ofisa ŭ pryharadzie Minieapolisa, dzie Pałmier viadzie miedyčnuju praktyku. Pałmier prypyniŭ pracu i nie źjaŭlajecca na publicy.
Pietycyja z patrabavańniem pryciahnuć palaŭničaha da adkaznaści imhnienna sabrała amal 100 tysiač podpisaŭ. Na adras Pałmiera pastupajuć ciapier i pramyja pahrozy.
U Zimbabvie, a taksama ŭ PAR i Namibii palavańnie na lvoŭ i inšych bujnych žyvioł dazvolena pry ŭmovie atrymańnia nieabchodnaha dazvołu. Zabivać dazvalajecca tolki tych žyvioł, jakija ŭžo nie mohuć dać patomstva. U pryvatnaści, u traŭni hetaha hoda palaŭničy z Techasa zastreliŭ staroha nasaroha, zapłaciŭšy za licenziju 350 tysiač dalaraŭ.
29 lipienia prezident Asacyjacyi prafiesijnych palaŭničych PAR prapanavaŭ pierahledzieć na bližejšym hadavym schodzie asacyjacyi palityku ŭ halinie palavańnia na lvoŭ. 95% lvoŭ, jakich zabivajuć palaŭničyja ŭ PAR, — nie dzikija žyvioły. Ad šaści da vaśmi tysiač lvoŭ ciapier vyroščvajuć pryblizna na 150—200 fiermach śpiecyjalna dla arhanizacyi palavańnia, jakoje prynosić značnyja prybytki. Hetych žyvioł vypuskajuć na volu za 3—4 dni da pačatku palavańnia. Asacyjacyja palaŭničych PAR vystupaje suprać takoj praktyki.
