Fota ont.by
Pavodle dadzienych aficyjnaha sajta Dziaržaŭnaha pahraničnaha kamiteta Biełarusi na 16.00 2 žniŭnia, čerhi na vyjezd ź Biełarusi jak dla hruzavoha aŭtatranspartu, tak i dla lehkavych aŭtamabilaŭ krychu pavialičylisia.
Najbolš napružanaj zastajecca situacyja ŭ bližejšych da Vilni punktach propusku.
U «Kamiennym Łohu» u čarzie zastajecca 240 hruzavikoŭ i 70 lehkavych aŭtamabilaŭ, u punkcie propusku «Katłoŭka» — 200 i 70 adpaviedna.
U punkcie propusku «Bieniakoni» na vyjezd čakajuć svajoj čarhi 100 hruzavikoŭ i 20 lehkavych aŭto, na ŭjezd — 60 aŭtamabilaŭ.
U suviazi z vysokim transpartnym patokam Dziaržpahrankamitet rekamienduje kiroŭcam płanavać i vybirać maršruty ruchu z ulikam apieratyŭnych dadzienych, jakija raźmiaščajucca na aficyjnym partale viedamstva kožnyja 2 hadziny.