Piłot «Formuły-1» Žeremi Dziufur padpisaŭ pratakoł ab supracoŭnictvie z kamunalnym pradpryjemstvam «Kijeŭpastrans» — honščyk budzie pavyšać profmajsterstva kiroŭcaŭ hramadskaha transpartu, pieradaje TSN.
Žeremi Dziufur paśla ŭračystaha padpisańnia pratakoła ab namierach «nie chavaŭ svajho natchnieńnia».
«Hetaja inicyjatyva daje mnie pramuju mahčymaść uvasableńnia majho vializnaha vopytu na karyść mnohich dobrych spraŭ. Hałoŭnaja ź ich — pavyšać drajvierskuju kvalifikacyju i kulturu kijeŭskich kiroŭcaŭ hramadskaha naziemnaha transpartu i hetym zabiaśpiečvać novy prafiesijny i jeŭrapiejski ŭzrovień biaśpieki pasažyraŭ», — padkreśliŭ honščyk.
Pavodle jaho, «viedańnie navat niekalkich pryjomaŭ honačnaj jazdy dapamoža kiroŭcam u ich žyćciovych i pracoŭnych situacyjach».
Francuzski aŭtahonščyk Žeremi Dziufur spartyŭnuju karjeru pačaŭ u 10 hadoŭ z zaniatkaŭ kartynham. U hetym sporcie zavajavaŭ tytuł čempijona śvietu siarod junijoraŭ (1990 hod). Z 1993 hoda — udzielnik «Formuły-3» (Vialikabrytanija), dzie ŭ 1995 hodzie staŭ pieršym francuzskim piłotam, jaki vyjhraŭ honku. U 1996 hodzie — aficyjny vyprabavalnik kamandy Arrows («Formuła-1»). U suviazi sa strataj sponsara pierajazdžaje ŭ Japoniju, dzie padpisvaje kantrakt z Toyota. Udzielničaje ŭ čempijanatach «Formuła-3», JGTC. U 2006 hodzie vyjhraje honku na trasie Suzuka (1000 kiłamietraŭ). Ciapier jon kiraŭnik ofisa «Formuła-1» va Ukrainie.
