Kryminalnaja spravie ab nieprafiesijanaliźmie chirurha Dubrovienskaj CRB spyniena, paviedamiła načalnik adździeła prakuratury Viciebskaj vobłaści Aksana Balejevaj.
Na siońniašnim papiarednim pasiedžańni Viciebskaha abłasnoha suda abvinavačany pahadziŭsia na spynieńnie kryminalnaj spravy ŭ suviazi z amnistyjaj.
«Sprava spyniena, abvinavačany vyzvaleny ad kryminalnaj adkaznaści. Adnak u jaho dziejańniach pryznana najaŭnaść składu złačynstva pa č.1 st.162 KK (nienaležnyja vykanańnie prafiesijnych abaviazkaŭ miedycynskim rabotnikam, što paciahnuła pryčynieńnie pacyjentu pa nieaściarožnaści ciažkaha cialesnaha paškodžańnia).
U suviazi z čym paciarpieły bok maje prava patrabavać materyjalnaj kampiensacyi za nieprafiesijanalizm, a taksama kampiensacyi maralnaj škody», — patłumačyła prakuror.
Kali rašeńnie suda nie budzie abskardžana, to praz 10 dzion jano ŭstupić u zakonnuju siłu.
Jak paviedamlałasia, u žniŭni 2014 hoda ŭ vyniku lačeńnia pierałomu ruki va ŭstanovach achovy zdaroŭja Dubrovienskaha rajona i Viciebskaj vobłaści ruku padletku amputavali.
Ustanoŭlena, što 25 lipienia 2014 hoda ŭ traŭmatałahičny punkt Aršanskaj centralnaj palikliniki z prykmietami pierałomu levaj ruki byŭ dastaŭleny 11-hadovy žychar Dubrovienskaha rajona, dzie paśla praviadzieńnia nieabchodnych daśledavańniaŭ jamu byŭ nakładzieny hips. Paśla akazańnia pieršaj miedycynskaj dapamohi z dyjahnazam «zakryty pierałom levaj pramianiovaj i łokcievaj kiści ŭ typovym miescy sa zrušeńniem adłomkaŭ» chłopčyk byŭ adpuščany dadomu na ambułatornaje lačeńnie. Paśla paharšeńnia samaadčuvańnia 28 lipienia chłopčyk sa svajakami źviarnuŭsia na pryjom da chirurha — zahadčyka chirurhičnym adździaleńniem Dubrovienskaj centralnaj rajonnaj balnicy za akazańniem miedycynskaj dapamohi. Adnak chirurh abśledavańnie vykanaŭ nie ŭ poŭnym abjomie, nie padumaŭ ab mahčymych ŭskładnieńniach, nie naznačyŭ nieabchodnyja analizy, nie vyrabiŭ termamietryju cieła, a pry ŭzmacnieńni acioku nie źniaŭ hipsavuju paviazku i nie pryniaŭ mier da špitalizacyi, što pryviało da amiarćvieńnia (hanhreny) levaj ruki pacyjenta i nieabchodnaści jaje amputacyi.
Śledstva pryjšło da vysnovy, što miedycynski rabotnik nienaležnym čynam vykanaŭ svaje prafiesijnyja abaviazki z pryčyny niadbajnaha i niadobrasumlennaha staŭleńnia da ich, što pryviało da amputacyi levaj ruki padletka.
Čytajcie taksama:
List chirurha z Dubroŭna, što zajmaŭsia chłopcam, jakomu amputavali ruku: Ja nie vinavaty, heta ŭnikalny vypadak
