Premjer-ministr Pakistana Navaz Šaryf vykazaŭ spačuvańni z nahody śmierci byłoha šefa vajennaj raźviedki krainy hienierała Chamida Hula, imia i dziejnaść jakoha asacyjujucca ŭ susiedziaŭ Pakistana z varožaściu da ZŠA i Indyi i padtrymkaj idei ŭzbrojenaha paŭstańnia ŭ Afhanistanie i indyjskim Kašmiry.
79-hadovy hienierał pamior ad krovaźlićcia ŭ mozhu. Jon byŭ viadomy svaimi isłamisckimi pohladami i ŭznačalvaŭ śpiecsłužbu ISI ŭ druhoj pałovie 1980-ch.
Krytyki Chamida Hula ličyli jaho prychilnikam teoryj zmoŭ i što jon nie maje nijakaj pavahi da demakratyi. Ale dla jaho prychilnikaŭ hienierał byŭ pakistancam-patryjotam i sapraŭdnym musulmaninam.
Ušanavańni, što addajucca Chamidu Hulu, nie zastanucca biez uvahi ŭ Afhanistanie i Indyi, krainach, jakija ličyli jaho najbolš vysokapastaŭlenym i adkrytym abaroncam dziejańniaŭ bajevikoŭ na ich terytoryi.
Hul aktyŭna dapamahaŭ ŭmacoŭvać atrady madžachiedaŭ padčas savieckaha ŭvarvańnia ŭ Afhanistan. Častka hetych madžachiedaŭ paźniej uliłasia ŭ šerahi talibaŭ.
Paśla sychodu ŭ adstaŭku hienierał časta źjaŭlaŭsia na telebačańni, abaraniajučy dziejańni ruchu Taliban i kašmirskich bajevikoŭ.
Jon byŭ taksama viadomy tym, što ličyŭ terarystyčnyja ataki na ZŠA ŭ vieraśni 2001 hoda habrejskaj zmovaj.
Paśla 11 vieraśnia 2001 hoda jon adkryta padtrymlivaŭ Usamu bin Ładena. Kansiervatyŭnyja pakistanskija palityki i duchoŭnyja asoby pravaj aryjentacyi ličyli jaho svaim hierojem.
Chamid Hul z talibami
Chamid Hul biez saramlivaści padtrymlivaje talibaŭ i džychadzistaŭ. U 2010 hodzie ŭ intervju Bi-bi-si hienierał Hul skazaŭ: «Amieryka — heta ŭžo historyja… Budučynia — za Talibanam».
Hienierała Hula abvinavačvali ŭ tym, što jon adyhraŭ klučavuju rolu ŭ padtasoŭcy vynikaŭ vybaraŭ 1988 hoda, dziakujučy čamu da ŭłady pryjšoŭ ultrakansiervatyŭny isłamiscki aljans, a nie Bienazir Bchutta.