U niadzielu, 16 žniŭnia, na štotydniovym pasiadžeńni ŭrada Izraila kabiniet ministraŭ zaćvierdziŭ admienu vizavaha režymu ź Biełaruśsiu, paviedamlaje newsru.co.il.
Sofa Łandvier, newsru.co.il
U ramkach pahadnieńnia, hramadzianin adnoj krainy zmoža ŭjechać na terytoryju inšaj krainy pa nacyjanalnym pašparcie bieź nieabchodnaści ŭ vizie. Znachodžańnie na terytoryi inšaj dziaržavy bieź vizy nie pavinna pieravyšać 90 dzion na praciahu paŭhoda z daty ŭjezdu.
Pahadnieńnie padpisana terminam na adzin hod i budzie praciahvacca aŭtamatyčna da taho času, pakul adzin z bakoŭ nie paviedamić druhomu ab žadańni vyjści z pahadnieńnia.
Admiena viz ustupić u siłu praz 90 dzion paśla abmienu dypłamatyčnymi hramatami ab zaviaršeńni pracedur ratyfikacyi pahadnieńnia ŭ abiedźviuch krainach.
Hałasavańnie pa hetym pytańni izrailskim uradam pavinna było adbycca jašče 14 śniežnia 2014 h., adnak było adkładziena z-za pieradvybarnaj kampanii ŭ Kniesiet 20-ha sklikańnia.
Deputat Kniesieta ad partyi «Naš dom Izrail» Sofa Łandvier, jakaja źjaŭlajecca sustaršynioj mižparłamienckaj asacyjacyi družby «Izrail-Biełaruś», vitała zaćviardžeńnie ŭradam biaźvizavaha režymu pamiž dvuma krainami.
Sofa Łandvier, u jakaści ministra alii i absorbcyi padpisała ŭ vieraśni minułaha hoda ad imia Izraila pahadnieńnie ab admienie viz u chodzie sustrečy z kiraŭnikom źniešniepalityčnaha viedamstva Biełarusi Uładzimiram Makiejem, jana siońnia adznačyła, što heta radasnaja navina dla ŭsich repatryjantaŭ, jakija zmohuć bieź lišnich biurakratyčnych zatrymak i vydatkaŭ naviedać rodnyja miaściny, źjeździć u Biełaruś dla adpačynku abo pa spravach biźniesu.
Deputat ad NDI padvierhła krytycy rašeńnie premjer-ministra začynić pasolstva ŭ Minsku.
«Hetaja «ekanomija na zapałkach», u paru astudžeńnia adnosin Izraila z suśvietnaj supolnaściu, naniasie niesumnienny ŭron našaj krainie», — padkreśliła Sofa Łandvier.
