Śviatłana Aleksijevič — favaryt na atrymańnie Nobiela ŭ litaratury. «Novaja hazieta» — premii mira
Bukmiekierskija kantory pačali pryjom stavak na atrymańnie Nobieleŭskich premii ŭ halinie litaratury i mira. Pieravaha ŭ rejtynhach bukmiekieraŭ nie aznačaje biezumoŭnuju pieramohu, ale najčaściej uznaharoda dastajecca kamuści ź pieršaj dziasiatki padobnych śpisaŭ.

U litaratury na dadzieny momant lidziruje 67-hadovaja biełaruskaja piśmieńnica Śviatłana Aleksijevič. Staŭki na jaje pieramohu prymajucca z kaeficyjentam 5 da 1.

Šmathadovy favaryt Nobieleŭskaj premii Charuki Murakami na dadzieny momant znachodzicca na druhim miescy. Kali pastavić na japonca adzin dalar, to ŭ vypadku jaho pieramohi možna atrymać šeść dalaraŭ.
Narešcie, na trecim miescy kienijec Nhuhi Va Tchijonha.

Letaś jon ličyŭsia absalutnym favarytym bukmiekierskich kantor, ale premija dastałasia francuzu Patryku Madyjano, jaki byŭ tolki čaćviortym u śpisach pretendentaŭ. Staŭki na Tchijonha na dadzieny momant składajuć 7 da 1.
Vysokimi šancy aceńvajucca ŭ amierykancaŭ Filipa Rota i Kerał Džojs Oŭts, siryjca Adonisa, ałbanca Ismaiła Kadare, narviežca Juna Fose, karejca Ko Una, aŭstryjca Pietera Chandkie.
Što tyčycca Nobieleŭskaj premii miru, to sioleta tut źjaviŭsia absalutna novy favaryt, jaki nie fihuravaŭ u padobnych śpisach papiarednija hady.

Heta katalicki śviatar z Erytrei Musi Zerai, jakija apošnija hady žyvie ŭ Šviejcaryi. Hety čałaviek dvaccać hadoŭ ratuje afrykanskich uciekačoŭ, jakija šukajuć prytułku ŭ Jeŭropie. Dziakujučy jamu, tysiačy ludziej zmahli zachavać sabie žyćcio, płyvučy na chistkich matorkach praź Mižziemnaje mora. Staŭki na Zerai prymajucca z kaeficyjentam 5 da 1.

Zadušeńnie palityčnych svabod u Rasii spryčyniłasia da taho, što niezaležnaja «Novaja hazieta» źjaŭlajecca adnym z najbolš imaviernych pretendentaŭ na Nobiela. Staŭki na jaje prymajucca 6 da 1.

Na trecim miescy kanhalezski doktar Denis Mukviehie — zasnavalnik balnicy dla achviaraŭ seksualnaha hvałtu. Letaś jon atrymaŭ prestyžnuju pravaabarončuju premiju Andreja Sacharava.
Siarod astatnich favarytaŭ Papa Francišak, arhanizacyi Iraq Body Count project i Japanese people who conserve Article 9, dacki žurnalist Fleminh Roŭz, palitviazień z Saudaŭskaj Aravii Raif Badavi, staršynia AAN Pan Hi Mun.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary