U vajskovaj čaści pad Lepielem raspačata kryminalnaja sprava za niestatutnyja adnosiny. Pra heta paviedamiŭ pres-sakratar hałoŭnaha ŭpraŭleńnia ideałahičnaj raboty Ministerstva abarony Uładzimir Makaraŭ.
«Niekalki dzion tamu ŭ Zasłonaŭskim harnizonie kamandzir čaści vyjaviŭ niestatutnyja adnosiny, raspačata kryminalnaja sprava pa st.443 KK Biełarusi. Pry vyznačeńni viny kankretnych vajennasłužačych jany buduć pryciahnuty da adkaznaści», — skazaŭ Uładzimir Makaraŭ.
U Minabarony padkreślili, što vyjaŭlenyja niestatutnyja adnosiny nie pryviali da ciažkich nastupstvaŭ, nichto nie špitalizavany.
«Va Uzbrojenych Siłach zabiaśpiečany bieskampramisny padychod da pravaparušalnikaŭ i abaviazkovaje pakarańnie dla vinavatych u złačynstvach u adpaviednaści z zakanadaŭstvam», — adznačyŭ pres-sakratar. Samaja surovaja sankcyja st.443 KK Biełarusi (parušeńnie statutnych praviłaŭ uzajemaadnosin pamiž asobami, na jakich raspaŭsiudžvajecca status vajennasłužačaha, pry adsutnaści adnosin padparadkavanaści) praduhledžvaje pakarańnie ŭ vyhladzie pazbaŭleńnia voli na termin da 12 hadoŭ.