Aleksis Cypras, fota Rojterz.
Hrečaskija ŚMI paviedamlajuć, što premjer Hrecyi Aleksis Cypras abvieścić ab praviadzieńni daterminovych vybaraŭ u parłamient 20 vieraśnia. Jon taksama maje namier padać prašeńnie ab adstaŭcy, kab zatym ŭdzielničać u daterminovych vybarach.
Ab rašeńni hrečaskaha ŭrada pajści na pieravybary abviaściŭ jaho pres-sakratar u čaćvier uviečary.
Hetaje rašeńnie było vyklikana admovaj krajnie levaj častki deputataŭ Siryzy padtrymać novuju damovu z kredytorami. Jany nie pahadžajucca na sieryju pryvatyzacyj i abrazańnie piensij, što było ŭmovaj refinansavańnia hrečaskich pazyk.
Jak miarkujecca, Siryza znoŭ pieramoža na vybarach. Nie vyklučana, što jana zmoža sfarmiravać novy ŭrad adnaasobna, hetym razam biez udziełu nacyjanalistyčnaj partyi «Niezaležnyja hreki». Hrekam padabajecca Cypras i jahonaja maniera vieści dziaržaŭnyja spravy.
