Abjadnanyja Arabskija Emiraty razhladajuć Biełaruś u jakaści partniora ŭ daśledavańniach Marsa. Ab hetym paviedamiŭ siońnia žurnalistam hienieralny dyrektar Kaśmičnaha ahienctva AAE Muchamied Nasier al-Achbabi.
«My płanujem zapuścić misiju na Mars. Heta budzie pieršy taki zapusk u rehijonie. My dumajem, što sumiesnaja rabota ź Biełaruśsiu ŭ hetaj śfiery budzie šmatabiacalnaj», — padkreśliŭ Muchamied Nasier al-Achbabi.
Hienieralny dyrektar Kaśmičnaha ahienctva AAE adznačyŭ, što delehacyja pryjechała ŭ Minsk, kab abmierkavać pytańni mahčymaha supracoŭnictva ŭ kaśmičnaj śfiery. «Abiedźvie krainy ŭžo daŭno viaduć sumiesnyja raboty ŭ inšych halinach, i my razhladajem kaśmičnuju śfieru jak patencyjalnuju dla sumiesnaj raboty ź Biełaruśsiu. AAE možna razhladać jak centralnuju krainu pa kaśmičnych technałohijach i apracoŭcy kaśmičnaj infarmacyi ŭ blizkaŭschodnim rehijonie. Siektar kaśmičnych daśledavańniaŭ u nas adzin z samych bujnych u rehijonie z abjomam pramych inviestycyj kala $5 młrd», — paviedamiŭ jon.
Staršynia Prezidyuma NAN Biełarusi Uładzimir Husakoŭ padkreśliŭ, što Biełaruś zacikaŭlena ŭ supracoŭnictvie ŭ kaśmičnaj śfiery z AAE. «U nas taksama jość Nacyjanalnaje ahienctva pa kosmasie, i, dumaju, možna havaryć ab padpisańni dahavora ab uzajemadziejańni», — reziumavaŭ jon.
U čas vizitu pradstaŭniki Kaśmičnaha ahienctva AAE naviedali kampaniju «Pielenh». «My acanili mahčymaści hetaj kampanii, i jana nam spadabałasia. Akramia taho, my rady naviedać NAN i sustrecca z aficyjnymi asobami, kab abmierkavać pytańni dalejšaha supracoŭnictva pamiž našymi krainami», — kanstatavaŭ Muchamied Nasier al-Achbabi.
