Sumiesna raspracavanuju HA «BRSM» i Biełaruskim telehrafnym ahienctvam mabilnuju prahramu «Vybary-2015» prezientavali ŭ pres-centry BIEŁTA.
«Hałoŭnaja zadača prahramy — zrabić infarmacyju ab vybarach dastupnaj i zručnaj dla ŭsich. U hetym hodzie hałasavać buduć tyja, chto naradziŭsia ŭžo ŭ suvierennaj Biełarusi. Kab adpaviadać patrabavańniam moładzi, źjaviłasia ideja stvaryć hetuju prahramu», — skazaŭ hienieralny dyrektar UP «BiełTA» Dźmitryj Žuk.
Pieršy sakratar Centralnaha kamiteta HA «BRSM» Andrej Bielakoŭ dadaŭ, što dla arhanizacyi vielmi važna, kab moładź aryjentavałasia ŭ palityčnych pracesach. «My chočam, kab moładź viedała ab vybarach kali nie ŭsio, to vielmi mnohaje», — adznačyŭ jon.
Raspracoŭščyk prahramy Pavieł Bacyleŭ źviarnuŭ uvahu, što navinka pryznačana dla karystalnikaŭ Android, ale ŭ chutkim časie płanujecca raspracavać viersiju i dla apieracyjnaj sistemy iOS.
U prahramie realizavanaja mahčymaść paviedamleńnia ab važnych navinach, jakija datyčacca vybarčaj kampanii, źmieščana zakanadaŭčaja baza pa vybarach (Vybarčy kodeks i inšyja dakumienty CVK). Karystalniki zmohuć aznajomicca z asnoŭnymi danymi kandydataŭ u prezidenty, atrymać adkazy na pytańni pa vybarach, što časta zadajucca, daviedacca ab vynikach hałasavańnia i inš.
