Paśla katastrafičnaha abvału (bolš jak napałovu) biełaruskaha rubla ŭ 2011 hodzie Łukašenka paabiacaŭ, što da nastupnych (ciapierašnich) prezidenckich vybaraŭ biełarusy zabuducca pra samo słova «devalvacyja».
Skazana — zroblena: słova vykinutaje ź dziaržaŭnaj finansavaj, palityčnaj, infarmacyjnaj śfiery.
«Vałacilnaść padvodziła nas da taho, što treba mianiać padychody da hrašova-kredytnaj palityki, kab absarbavać šoki, jakija adbyvajucca zvonku», — skazana siońnia ŭ zajavie Nacyjanalnaha banka pra vidavočnuju devalvacyju. Pra toje, pra što ludzi, jakija nie źjaŭlajucca supracoŭnikami Nacbanka ci administracyi Łukašenki, kažuć kala abmieńnikaŭ: «Prosta kašmar!»
Voś što adbyvajecca nie zvonku, a ZNUTRY:
siaredni zarobak jašče ŭ minułym miesiacy skłaŭ $459. U hetym miesiacy (pry siońniašnim kursie 17 836 rub. za 1 dołar) siaredni zarobak $392. Za adzin miesiac ludzi abrabavanyja amal na 70 dołaraŭ kožny! I heta tolki pačatak, bo zaŭtra kurs vyraście.
Pieršapačatkovaja ŭstanoŭka Łukašenki była: da vybaraŭ rubiel nie valić! Trymać kurs – kroŭ z nosu! Dyk čamu našy vałaciły pačali abvał? Bo kali nie abvalić rubiel ciapier, dyk adrazu paśla vybaraŭ budzie toje samaje, što było ŭ 2011-m. Tamu, jak i tady, pastanoŭlena zabrać u naroda (bo bolej niama ŭ kaho) znoŭ amal usio, ale nie adrazu, a častkami. Tak by mović, pa kapieječcy.
Voś i ŭsia sutnaść «pryncypova novaj finansavaj palityki», za jakuju chvalili «vałaciłaŭ» navat demakratyčnyja ŚMI.
Režym, jahonaja absłuha znoŭ biełarusaŭ nadurvaje. Inšy narod užo daŭno b za capy ŭziaŭsia, kab usiu hetuju nabrydź zmałacić, a naš staić i repu češa: «Vałacić? Nie vałacić? Kažuć ža: pavałačemsia ŭ Jeŭropu…»
Nu-nu.
«Pada-a-jcie kapie-je-ječku…»
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy21
Kamientary