Ab hetym paviedamiŭ žurnalistam načalnik adździeła ŭstanoŭ kultury i kulturna-aśvietnaj raboty hałoŭnaha ŭpraŭleńnia ideałahičnaj raboty, kultury i pa spravach moładzi Minharvykankama Siarhiej Miadźviedzieŭ.
«Zavieršycca śviatočny dzień u 22.00 kala steły «Minsk — horad-hieroj» malaŭničym fiejervierkam. Jaho praciahłaść składzie 12 chvilin, vyšynia — 400 m», — skazaŭ Siarhiej Miadźviedzieŭ.
U Minsku napiaredadni śviata i ŭ Dzień horada projdzie bolš za 60 śviatočnych mierapryjemstvaŭ.
Prałoham da śviata stanie cyrymonija ŭručeńnia ŭznaharod «Najlepšy pa prafiesii» pa vynikach haradskoha konkursu prafiesijnaha majsterstva «Minski majstar», što adbudziecca 11 vieraśnia. Taksama ŭ hety dzień u Minskaj haradskoj ratušy buduć ušanoŭvać minčan, jakija prymajuć aktyŭny ŭdzieł u achovie paradku i prafiłaktycy pravaparušeńniaŭ.
Hałoŭnyja ŭračystaści projduć 12 vieraśnia.
Deviz śviata ŭ hetym hodzie - «Moj rodny Minsk, ty - serca Biełarusi!».
Pa tradycyi da steły «Minsk — horad-hieroj» u śviatočny dzień uskładuć kvietki ad kiraŭnictva horada i minčan. U kancertnaj zale «Vierchni horad» 12 vieraśnia zaklučać šlub 9 par z usich rajonaŭ stalicy. Taksama ŭ Vierchnim horadzie z 12.00 da 20.00 projdzie tematyčnaja prahrama «Dychańnie vulic u sercy stalicy» z udziełam tvorčych kalektyvaŭ i majstroŭ mastactvaŭ Biełarusi. Śviatočnaja kancertnaja prahrama «Zorki stalicy» i vystaŭka-kirmaš majstroŭ narodnaj tvorčaści «Horad majstroŭ» razhorniecca z 11.30 da 22.00 na placoŭcy ŭ rajonie Pałaca sportu. Apynucca ŭ inšych epochach minčanie i hości stalicy zmohuć u čas Mižnarodnaha fiestyvalu histaryčnaj rekanstrukcyi «Minsk staražytny», jaki adbudziecca na zialonaj zonie skryžavańnia prasp. Pieramožcaŭ i prasp. Mašerava.
U dzień horada ŭ 15.00 u chramie-pomniku ŭ honar Usich Śviatych i ŭ pamiać ab achviarach, jakija vyratavańniu Ajčyny našaj pasłužyli, pačniecca ŭračystaja cyrymonija «Malitva za Biełaruś» i finalny hała-kancert ahulnarespublikanskaj akcyi «Charavoje Vieča». U Nacyjanalnym akademičnym Vialikim teatry opiery i baleta ŭ 18.00 adbudziecca ŭračystaja cyrymonija ŭručeńnia ŭznaharod «Minčanin hoda».
Śviatočnyja mierapryjemstvy taksama projduć va ŭsich administracyjnych rajonach horada.
