Filmy ŭ škoły Mienščyny pryvoziać časta. Abaviazkovymi dla naviedvańnia źjaŭlajucca stužki, źniatyja pavodle tvoraŭ, uklučanych u školnuju prahramu. Dziela «Ščyta Ajčyny» u adnoj sa škołaŭ zaniatki navat skaracili. Pajšła pahałoska, što film pryvieźli na zahad sa stalicy — nibyta parupiŭsia idealahičny adździeł Administracyi prezydenta. Na pakaz pazhaniali školnikaŭ pačynajučy ź piaciklaśnikaŭ. Za kvitok daviałosia addać pa 700 rubloŭ. Cikava toje, što ni nastaŭnikaŭ, ni administracyju škoły nie papiaredzili, što film źmiaščaje eratyčnyja sceny. Aperatar akurat padčas adnaho z takich epizodaŭ vyjšaŭ papalić. Nastaŭniki nia viedali, jak spynić film, a dzieci byli hetamu tolki rady. Pikantnyja sceny vyklikali ŭ maładoj aŭdytoryi asablivaje ažyŭleńnie.
Cikava, što pra padobny vypadak niadaŭna pisała «Biełhazieta». Voś uryvak z hutarki z režysioram: «Nu i jak narod u zali prymaŭ hetuju zamovu, što kazali nahnanyja školniki?» — iznoŭ zadaje svaje pytańni Dzianis Skvarcoŭ zamiest taho, kab adkazvać na maje. I pačuŭšy ŭ adkaz, što ŭ časie łožkavych scenaŭ školniki ŭlulukali, a reštu času zabaŭlali siabie razmovami ź pierapynkam na pierakur, zaŭvažaje: «Nu choć niešta jany vynieśli, pravilna?»
Ciapier u rajcentrach Mienščyny anansujecca lhotny pakaz «Ščytu Ajčyny». Biez uzrostavych abmiežavańniaŭ.
