Pramyja kantakty z rasijskimi subjektami haspadarańnia źjaŭlajucca asnovaj handlova-ekanamičnaha ŭzajemadziejańnia i fundamientam adnosin Biełarusi i Rasii.
Heta adznačyŭ Alaksandr Łukašenka siońnia na sustrečy z hubiernataram Uljanaŭskaj vobłaści Siarhiejem Marozavym.
Kiraŭnik dziaržavy skazaŭ, što heta sustreča — praciah niadaŭniaj razmovy, jakaja była pačata na vysokim uzroŭni ŭ Sočy. «Tam adbyłasia nie prosta razmova, a było prademanstravana naša adzinstva i žadańnie raźvivać supracoŭnictva, — upeŭnieny kiraŭnik Biełarusi. — My ŭsiamu śvietu pakazali, što my ŭmiejem rabić — rukami, hałavoj. I siońniašniuju sustreču možna ličyć praciaham sočynskich pierahavoraŭ, sustreč, kirmašoŭ».
Alaksandr Łukašenka adznačyŭ važnaść taho, što Uljanaŭskaja vobłaść źjaŭlajecca pryznanym lidaram Rasii ŭ aŭtamabile- i avijabudavańni. Pry hetym rehijon imkniecca być adnym ź pieradavych u pašyreńni pryvatnaha biźniesu i pryciahnieńni bujnych inviestaraŭ.
Biełaruskija pradpryjemstvy źviazany z vytvorčaściami Uljanaŭskaj vobłaści adzinym technałahičnym łancuhom. Jany pastaŭlajuć u hety rasijski rehijon aŭtakampanienty, pompy, ruchaviki i siłavyja ŭstanoŭki. Łukašenka ličyć, što treba nie prosta pradoŭžyć hetu rabotu, a zadziejničać uvieś isnujučy patencyjał i pašyrać śfiery dvuchbakovaha supracoŭnictva.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary