Prezident Rasii Uładzimir Pucin parazmaŭlaŭ pa telefonie z brytanskim śpievakom Ełtanam Džonam, paviedamiŭ pres-sakratar Pucina Dźmitryj Piaskoŭ.
«Pucin skazaŭ, što viedaje, nakolki Ełtan Džon papularny vykanaŭca, i zapeŭniŭ, što kali ŭ budučyni ich hrafiki supaduć, jon budzie hatovy ź im sustrecca i abmierkavać lubyja pytańni, jakija cikaviać śpievaka», — raspavioŭ Piaskoŭ.
Prezident taksama paprasiŭ śpievaka nie kryŭdzicca na rozyhryš rasijskich prankieraŭ.
Dziesiać dzion tamu Ełtan Džon zajaŭlaŭ, što Pucin patelefanavaŭ jamu. U svaim akaŭncie ŭ instrahramie śpiavak padziakavaŭ prezidentu za zvanok i vykazaŭ nadzieju na chutkuju asabistuju sustreču, na jakoj jon chacieŭ by abmierkavać pravy homaseksuałaŭ u Rasii.
Piaskoŭ abvierh fakt takoj hutarki, adznačyŭšy pry hetym, što Pucin hatovy pahavaryć sa śpievakom.
Na nastupny dzień stała viadoma, što Ełtanu Džonu ad imia Pucina patelefanavali viadomyja rasijskija prankiery. Poŭny zapis 11-chvilinnaha rozyhryšu byŭ apublikavany na YouTube.
Kamientary