Čarhovy aktyvist «Jeŭramajdanu», jakomu rasijski bok «šyje» zamach na žyćcio supracoŭnikaŭ «Bierkuta», paŭstanie pierad krymskim sudom. Pra heta paviedamiła krymskaja prakurorša Natalla Pakłonskaja.
Raniej Kijeŭski rajonny sud Simfieropala pryznaŭ Alaksandra Kastenku vinavatym u zamachu na žyćcio supracoŭnika krymskaha «Bierkuta» Vitala Palijenku padčas Revalucyi Hodnaści ŭ Kijevie i prysudziŭ jaho da čatyroch hadoŭ i dvuch miesiacaŭ pazbaŭleńnia voli ŭ kałonii. Abvinavačvańnie ŭ sudzie pradstaŭlała «prakuror Kryma» Natalla Pakłonskaja, tady jana paabiacała novyja hučnyja spravy.
«Rasśledujecca jašče adna kryminalnaja sprava, jakuju ŭ bližejšy čas nakirujuć u sud. Abvinavačvanamu inkryminujecca zamach na žyćcio supracoŭnikaŭ «Bierkuta». Zatrymańnie pravodziłasia paŭtara miesiaca tamu ŭ adnym z rehijonaŭ Rasii, paśla čaho abvinavačany byŭ etapavany ŭ Krym. Jon hramadzianin Rasii, ale nie krymčanin», — skazała Pakłonskaja.
Pavodle jaje słoŭ, padazravany znachodzicca pad vartaj i ŭ bližejšy čas siadzie na łavu padsudnych.
«Jon hetak ža, jak i Kastenka, byŭ na Majdanie i ŭdzielničaŭ u biesparadkach», — skazała prakuror.
-
U ZŠA znajšli cieła šaścihadovaha chłopčyka — maci kaža, što ź jaho «vyhaniali demanaŭ»
-
Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca
-
Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
Kamientary