Urad Ukrainy vyrašyŭ zabaranić lotać u krainu rasijskim avijakampanijam, u pieršuju čarhu «Aerafłotu» i «Transaera».
Jak paviedamlajecca ŭ tvitary kabinieta ministraŭ, taksama vyrašana zabaranić rasijskim samalotam ździajśniać tranzitnyja pieraloty praz pavietranuju prastoru Ukrainy ŭ vypadku, kali jany viazuć hruzy vajennaha pryznačeńnia.
Takija rašeńni ministry pryniali pa vynikach abmierkavańnia sankcyjnaha śpisu, padrychtavanaha Radaj nacyjanalnaj biaśpieki i abarony Ukrainy i apublikavanaha na minułym tydni.
16 vieraśnia Ukraina ŭviała sankcyi ŭ dačynieńni da rasijskich avijakampanij, jakija praduhledžvajuć «abmiežavańnie, častkovaje abo poŭnaje spynieńnie tranzitu resursaŭ, palotaŭ i pieravozak pa terytoryi Ukrainy».
U toj śpis, u pryvatnaści, patrapili najbujniejšyja rasijskija avijapieravozčyki — «Aerafłot», «Transaera», «Sibir», «Rasija», «Uralskija avijalinii», «Arenburhskija avijalinii» i inšyja. Nie patrapiła pad sankcyi tolki kampanija «Jutejr».
Pry hetym u pieršapačatkovaj viersii śpisu nie ŭdakładniałasia, jakija kankretna sankcyi pahražajuć rasijskim avijapieravoźnikam. Adznačałasia tolki, što havorka idzie ab častkovym abo poŭnym spynieńni tranzitu resursaŭ i palotaŭ nad terytoryjaj Ukrainy.
Kamientary