Upieršyniu z 1982 hoda supierpoŭnia i poŭnaje miesiacovaje zaćmieńnie supaduć pa dacie — heta adbudziecca ŭ noč na 28 vieraśnia. Nastupnym razam my zmožam ubačyć takuju źjavu tolki praz 18 hadoŭ.
Kali nazirać poŭnaje zaćmieńnie supiermiesiaca?
Pravodzić biassonnuju noč u čakańni redkaj źjavy nie varta. Jano pačniecca bližej da ranicy — u 4.07 pa Minsku.
A poŭnaja faza zaćmieńnia (samaja hałoŭnaja jaho častka) pačniecca jašče paźniej — u 5.11 ranicy i pradoŭžycca prykładna da 6.23.
Całkam ź cieniu Ziamli Miesiac vyjdzie ŭ 7.27. Pry hetym uzychod Sonca ŭ paniadziełak — u 7.05 ranicy.
Kali nie pašancuje z nadvorjem ci prosta lanota vychodzić z domu, to možna pahladzieć pramuju tranślacyju zaćmieńnia ŭ Sietki. Naprykład, tuju, jakuju arhanizoŭvaje NASA (startuje ŭ 4 ranicy pa Minsku).
Što takoje supierpoŭnia?
Supierpoŭnia — heta kali Miesiac nabližajecca da Ziamli na minimalnuju adlehłaść — 356.876 kiłamietraŭ (u siarednim ža jano roŭna prykładna 386.000 km). Z-za hetaha jon vyhladaje prykładna na 8% bolš i jarčej, čym zvyčajna.
Darečy, padobny efiekt «pavieličeńnia» možna nazirać, kali Miesiac znachodzicca nizka nad haryzontam.
Što takoje poŭnaje miesiacovaje zaćmieńnie?
Padčas poŭnaha miesiacovaha zaćmieńnia Miesiac całkam chavajecca ŭ cieni našaj płaniety. Tak atrymlivajecca, kali Sonca, Ziamla i Miesiac vyraŭnoŭvajucca pa pramoj.
Pry hetym Miesiac nie źnikaje z bačnaści, a z-za prałamleńnia soniečnaha śviatła ŭ atmaśfiery Ziamli nabyvaje čyrvony abo karyčnievy koler. Mienavita tamu padčas zaćmieńnia jaho nazyvajuć «kryvavym».
