VPS ZŠA płanuje ŭzbroić svaje źniščalniki łaziernaj zbrojaj u nie takoj užo dalokaj budučyni, skazaŭ načalnik štaba amierykanskaj avijacyi hienierał Mark Uełš, paviedamiŭ sajt scout.com.
breakingdefense.com
Uełš nie skazaŭ, kali płanujecca atrymać bajazdolny łazier dla avijacyi, adnak padkreśliŭ, što mienavita ŭ hetym kirunku buduć vieścisia asnoŭnyja navukovyja raspracoŭki.
Pradstaŭniki Łabaratoryi VPS ZŠA taksama paviedamili partału breakingdefense.com, što płanujecca atrymać 100-kiłavatny łazier, jaki možna pastavić na sučasny źniščalnik, užo ŭ 2022 hodzie.
Śpiecyjalisty pryznajuć, što raspracavać łazier patrebnaj mahutnaści, jaki b byŭ dastatkova lohkim, budzie składana. Mahčyma, spačatku buduć vieścisia pracy, kab ustalavać łaziernuju pušku na samaloty kštałtu AC-130 — latučyja artyleryjskija płatformy, pabudavanyja na bazie transpartnikaŭ S-130.
Naziemnyja vyprabavańni bajavych łazieraŭ u intaresach avijacyi pačnucca ŭžo ŭ hetym hodzie. Zaraz užo isnujuć bajavyja łaziernyja ŭstanoŭki, jakija vypraboŭvaje na svaich karablach amierykanski fłot.
