A 10.00 u piatnicu, 14 sakavika, adbudziecca razhlad spravy pa isku namieśnika staršyni Partyi BNF Alesia Michaleviča da hazety "Sovietskaja Biełoruśsija" i jaje žurnalista Arcioma Čaladzinskaha u sudzie Savieckaha rajonu (Łahojski trakt, 3). Jak było vyśvietlena na papiarednim razhladzie spravy, pad hetym pseŭdanimam drukujecca hałoŭny redaktar «Sovietskoj Biełoruśsii» Pavieł Jakubovič, paviedamlajecca ŭ raspaŭsiudžanym A. Michalevičam pres-relizie.
11 studzienia 2008 hodu ŭ hazecie «Sovietskaja Biełoruśsija» byŭ nadrukavany artykuł Arcioma Čaladzinskaha «Krutoj miraž». Siarod inšaha aŭtar artykuła śćviardžaje: «Potomu oni iskrieńnie połahajut, čto nikohda v žiźni nie vyrastivšije i tiem boleje nie prodavšije viedra kartoški Michalevič — Milinkievič riealno pomohut im v śpiecifičieskich priedprinimatielskich problemach». Aleś Michalevič ličyć, što hety artykuł hańbić jahony honar, hodnaść i dziełavuju reputacyju.
Michalevič patrabuje ad «Sovietskoj Biełoruśsii» abvierhnuć na svaich staronkach niepraŭdzivyja źviestki pra jaho, a taksama vypłacić kampensacyju maralnaj škody ŭ pamiery 6160 rubloŭ — stolki kaštuje ŭ HUMie novaje viadro dla bulby.
