«Biełaruski fołk-hurt «Javarovy ludzi» adkryvaje siezon 2015-2016 hh. i zaprašaje ŭsich achvotnych dałučycca da nas! Hety siezon dla nas jubilejny — u kancy viasny my budziem śviatkavać 15-hodździe kalektyvu!», — napisała ŭ svaim fejsbuku kiraŭnik hurtu Vijaleta Kavalova.
fota z fejsbuka Vijačiety Kavalovaj
«My śpiavajem pieśni i tančym narodnyja tancy, stavim śpiektakli i zdymajem filmy, vystupajem z kancertami na roznych placoŭkach, śviatkujem Kalady, Kupalle i inšyja śviaty narodnaha kalendara, možam pravieści viasielle i radziny pavodle biełaruskich narodnych tradycyjaŭ. Najaŭnaść dośviedu albo śpiecyjalnaj muzyčnaj padrychtoŭki nie patrabujecca, adzinaja ŭmova — žadańnie ŭsiamu hetamu navučycca i pazityŭny nastroj!
Navinka hetaha sezonu: my abviaščajem nabor u dziciačuju hrupu (dzieci ad 3 hadoŭ i starejšyja). Dzień repietycyj ź dziećmi pakul nie vyznačany, paviedamim pra heta asobna. Źviartajciesia na telefon 416-503-9527 albo pišycie na vkovaleva @ hotmail.com.
Zaprašajem taksama ludziej, jakija ŭmiejuć hrać na muzyčnych instrumientach. U našych płanach — stvareńnie instrumientalnaha falkłornaha hurtu.
My źbirajemsia kožnuju sieradu a 18:00 u pamiaškańni Biełaruskaha hramadska-kulturnaha centra Taronta pa adrasie: 524 St. Clarens Ave (pobač sa stancyjaj mietro Lansdowne). Pieršaja repietycyja — 7 kastryčnika.
Čakajem sustrečy sa starymi i novymi siabrami!