U ZŠA školnuju nastaŭnicu prysudzili da dziesiaci hadoŭ źniavoleńnia za seksualnyja adnosiny z vučniami.
Sud ustanaviŭ, što 25-hadovaja Rejčeł Baŭer, jakaja vykładała ŭ škole horada Frankstan, štat Techas, adpraŭlała vučniam svaje intymnyja fatahrafii. Akramia taho, jak vynikaje z prysudu, Bauer ŭstupiła ŭ seksualnuju suviaź z adnym z vučniaŭ.
Nastaŭnicu taksama pryznali vinavataj u seksualnym hvałcie ŭ dačynieńni da niepaŭnaletnich i prysudzili za heta da dziesiaci hadoŭ umoŭna — hetuju častku pakarańnia Baŭer budzie adbyvać užo paśla vychadu z turmy. Sama Baŭer pryznała vinu, paviedamiŭšy ab seksualnaj suviazi z tryma svaimi vučniami: chłopčykami 14, 16 i 17 hadoŭ.
U pačatku lipienia byŭ vyniesieny prysud u dačynieńni da inšaj amierykanskaj nastaŭnicy, sprava jakoj atrymała vialiki rezanans. 30-hadovaja Dženifier Fichter z Fłarydy była prysudžanaja da 22 hadoŭ turmy za seks z vučniami.
Tady Fichter aryštavali paśla taho jak maci adnaho z vučniaŭ vyjaviła ŭ telefonie syna luboŭnyja pasłańni ad vykładčyka.
Heta nie pieršyja vypadki vyniasieńnia prysudu ŭ dačynieńni da vykładčykaŭ, abvinavačanych u spakušeńni małaletnich. Tak, u 2005 vykładčyk z Fłarydy Debra Łafaŭ atrymała try hady chatniaha aryštu i siem hadoŭ vyprabavalnaha terminu za spakušeńnie 14-hadovaha maładoha čałavieka.
