Alaksandr Łukašenka prybyŭ na vybarčy ŭčastak №1 Minska razam sa svaim małodšym synam Mikałajem, jaki i apuściŭ vybarčy biuleteń u skryniu dla hałasavańnia paviedamlaje Interfaks.
Łukašenka prybyŭ na ŭčastak u vydatnym nastroi, i paviedamlaŭ prysutnym žurnalistam, što «hatovy da razarvańnia», paviedamlaje tut.by.
«Moža vy niejkija standarty mižnarodnyja viedajecie, a ja nie viedaju. My vybary pravodzim u adpaviednaści z našymi zakonami i standartami. I acenki vielmi pazityŭnyja, i nie tolki chady vybarčaj kampanii, ale i zakanadaŭstva. Voś kamuści nie padabajecca, jak prajšło daterminovaje hałasavańnie. Ale voś u ZŠA jano za niekalki miesiacaŭ da vybaraŭ pravodzicca», - adznačyŭ Łukašenka.
Jon vykazaŭ hatoŭnaść vypracavać ahulnyja standarty ź mižnarodnymi arhanizacyjami.
Alaksandr Łukašenka taksama pažadaŭ: apanientam hodna padvieści vyniki vybaraŭ.
«Toj, chto prajhraje pavinien hodna heta pryznać. Kali ja prajhraju — pryznaju».
Jon pažadaŭ budučamu prezidentu zabiaśpiečyć mir i spakoj u Biełarusi.
Łukašenka taksama ŭpeŭnieny ŭ tym, što hetyja vybary dapamohuć palepšyć adnosiny z Zachadam. «Tolki kali Zachad sam hetaha zachoča. Usio, što Zachad pažadaŭ — my zrabili».
Kamientary