 |
Deputaty Mienharsavietu zaćvierdzili mechnizm uliku mierkavańnia nasielnictva pry pryniaćci rašeńniaŭ pra pierajmienavańni vulic.
Haradzkija ŭłady buduć abmiarkoŭvać ź mienčukami planavanyja najmieńni i pierajmienavańni praspektaŭ, vulic, płoščaŭ stalicy. Mechanizm uliku dumki nasielnictva pry pryniaćci takich rašeńniaŭ zaćvierdzili deputaty Mienharsavietu na 9‑j sesii. Vysnovy kamisii pa najmieńni j pierajmienavańni praspektaŭ, vulic, płoščaŭ Miensku buduć publikavacca ŭ hazetach «Minski kurjer» i «Viačerni Minsk». Paśla znajomstva ź imi mieścičy ciaham dvuch tydniaŭ zmohuć adpravić svaje vodhuki.
Mierkavańni, jakija pastupiać u kamisiju, apracujuć i abahulniać. Asabliva ŭvažliva buduć adsočvacca prapanovy mienčukoŭ, jakija žyvuć na praspektach, vulicach, płoščach, jakim prapanujecca nadać novaje imia.
Pavodle vynikaŭ praviedzienaha analizu atrymanych zaŭvah kamisija prymie kančatkovaje rašeńnie. Paśla jano budzie razhledžana na pasiedžańni Mienharvykankamu j zaćvierdžana deputatami Mienharsavietu.
