Tvorčaść biełaruskaj piśmieńnicy źmieściać u raździeł «Ruskamoŭnaja litaratura Biełarusi»
Pra toje, što dźvie knihi łaŭreata Nobieleŭskaj premii pa litaratury hetaha hoda — «Cynkavyja chłopčyki» i «Čarnobylskaja malitva» — viernucca ŭ školnuju prahramu, Ministerstva adukacyi paviedamiła na nastupny dzień paśla abviaščeńnia rašeńnia Nobieleŭskaha kamiteta. Z nastupnaha hoda tvory Śviatłany Aleksijevič buduć prachodzić 11-kłaśniki i ŭ profilnych, i ŭ bazavych kłasach.
Praŭda, vyvučać tvorčaść biełaruskaj piśmieńnicy buduć … pa ruskaj litaratury. Jaje knihi źmiaścili ŭ raździeł «Ruskamoŭnaja litaratura Biełarusi». Darečy, jašče ŭ 90-ch Aleksijevič była ŭ školnych prahramach pa biełaruskaj litaratury, ale vyvučali jaje dzieci ŭ pierakładach na biełaruskuju movu.
Darečy, u 11-m kłasie na litaraturu — i ruskuju i biełaruskuju — advodzicca zusim niašmat hadzin. U pieršym paŭhodździ ŭ školnikaŭ na tydzień dva ŭroki ruskaj litaratury i adzin urok biełaruskaj, a ŭ druhim naadvarot — adzin urok ruskaj i dva biełaruskaj litaratury. A na ŭsich ruskamoŭnych aŭtaraŭ Biełarusi advodzicca ŭsiaho adzin urok. Ciapier za hety čas školniki pavinny daviedacca imiony Anatola Andrejeva, Siarhieja Trachimionka, Aleha Ždana, Vieńjamina Błažennaha i jašče ź dziasiatak aŭtaraŭ.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary