Alaksandr Łukašenka jašče nie pryniaŭ kančatkovaje rašeńnie nakont raźmiaščeńnia rasijskaj avijabazy na terytoryi Biełarusi.
Chacia kansultacyi pa ŭmovach raźmiaščeńnia ŭ Biełarusi rasijskaj avijabazy zaviaršylisia, vajskoŭcy raspracoŭvajuć inšyja, bolš efiektyŭnyja sposaby abarony dziaržaŭnaj miažy.
Z takoj zajavaj vystupiŭ ministr abarony Andrej Raŭkoŭ na sieminary dla pradstaŭnikoŭ respublikanskich srodkaŭ masavaj infarmacyi, paviedamlaje telekanał ANT.
«Jaki sens raźmiaščać avijacyjnuju bazu na terytoryi Biełarusi? Pakul sensu niama. Razvahi takija: našy susiedzi, asabliva novaabrany prezident Polščy, jon prosić NATO (i jany pahadzilisia) raźmiaścić čatyry bazy roznaha pryznačeńnia, u tym liku i avijacyjnaha, u niepasrednaj blizkaści ad miažy Biełarusi. I adkaz prosty: dyk, moža, my voźmiem niejkija srodki paražeńnia, jakija mohuć svoječasova ŭ patrebnym miescy nanieści parazu hetym abjektam? Heta budzie našmat bolš efiektyŭna, čym avijacyjnaja baza».
Suprać raźmiaščeńnia rasijskaj avijabazy ŭ Biełarusi rašuča vystupiła biełaruskaja apazicyja. Ekśpierty bajacca, što jana moža być vykarystanaja suprać suvierenitetu krainy, jak baza ŭ Krymie — dla anieksii paŭvostrava.
Alaksandr Łukašenka doŭha zachoŭvaŭ maŭčańnie, a pierad vybarami zajaviŭ, što jon takoha dakumienta jašče nie padpisvaŭ.
Ciapier čytajuć
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova13
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary