Maskoŭski sud Bieraścia nie pakaraŭ čatyroch bieraściejskich fanataŭ, jakija byli zatrymanyja 10 kastryčnika padčas sproby vyjezdu na akcyi apazycyi ŭ Miensk.
Sudździa Raman Karaban nie pryniaŭ abvinavaŭčaha rašeńnia «za niaznačnaściu» pravaparušeńnia.
Na siońniašnim pasiedžańni z čatyroch fanataŭ prysutničaŭ tolki Andrej Kavalčuk:
«Nas nie apraŭdali, skazali tolki, što našyja dziejańni nie nanieśli škody. Ale adsiedzieli my dvoje sutak niezakonna. Treba dumać, jak dabicca, kab nas sapraŭdy apraŭdali», — kaža Kavalčuk.
10 kastryčnika Andrej Kavalčuk z tryma siabrami — Hlebam Hrynbierham, Mikałajem Chatyniukom, Dźmitryjem Abramukom — vyjechali ź Bieraścia ŭ Miensk na «Šeście nacyjanalnaha ściaha». Ale ich mašynu pierapynili supracoŭniki DAI na vyjeździe z horadu.
Chłopcam skazali, što jany padobnyja da złačyncaŭ, pryvieźli ŭ pastarunak dy źvinavacili ŭ brydkasłoŭi. Dvoje sutak fanaty praviali ŭ izalatary časovaha ŭtrymańnia ŭ čakańni sudu.