Upraŭleńniem Śledčaha kamiteta pa h. Minsku vyśviatlajecca miescaznachodžańnie minčanki, 1984 hoda naradžeńnia, jakaja pracuje trenieram BFST «Dynama».
Z zajavaj pra źniknieńnie žančyny źviarnuŭsia jaje znajomy. Jon paviedamiŭ, što 28 kastryčnika jana na svaim aŭtamabili adpraviłasia da miesca svajho žycharstva ŭ Zavodskim rajonie Minska, paśla čaho pierastała vychodzić na suviaź.
U ciapierašni čas śledčymi va ŭzajemadziejańni z supracoŭnikami milicyi pravodziacca śledčyja dziejańni i apieratyŭna-vyšukovyja mierapryjemstvy, nakiravanyja na ŭstalavańnie ŭsich abstavinaŭ zdareńnia.
U śledstva jość abjektyŭnyja dadzienyja, jakija śviedčać ab kryminalnym charaktary źniknieńnia žančyny. Padčas ahladu miesca žycharstva i aŭtamabila vyjaŭlenyja i kanfiskavanyja ślady, jakija ŭ sukupnaści ź inšymi sabranymi materyjałami pakazvajuć na ździajśnieńnie zabojstva.
Zaviedziena kryminalnaja sprava pa č.1 art.139 Kryminalnaha kodeksa Respubliki Biełaruś (zabojstva).
U ździajśnieńni złačynstva padazrajecca mužčyna, 1987 hoda naradžeńnia, jon zatrymany. Ź im pracujuć śledčyja.