Štabnyja vučeńni zasnavanaj u minułym hodzie sumiesnaj bryhady ŭzbrojenych sił Litvy, Polščy i Ukrainy adbuducca ŭ lutym nastupnaha hoda.
Pahadnieńnie dasiahnuta ŭ Lublinie, na sustrečy kamandujučych bataljonami, jakija ŭvachodziać u skład bryhady, i štaba, paviedamiła ŭ paniadziełak ministerstva abarony Litvy.
U chodzie pieršych vučeńniaŭ hetyja padraździaleńni, jakija nazvany Triple Brave, svaje dziejańni buduć adpracoŭvać nacyjanalnyja adzinki štaboŭ, pryličanyja da bryhady, budzie ŭdaskanalvacca płanavańnie apieracyj i pryniaćcie rašeńniaŭ. Litvu na vučeńniach budzie pradstaŭlać štab Drahunskaha bataljona imia Vialikaj kniahini Birute.
Zaraz štab bryhady farmujecca, litoŭskija vajskoŭcy ŭžo pryličanyja da jaho i pracujuć u štabie ŭ Lublinie. Bryhadu ŭznačalvaje polski aficer, jaho namieśnikam źjaŭlajecca litoviec. Štabam bryhady kiruje ukrainiec. Pa pryncypie ratacyi jany buduć zajmać hetyja pasady try hady. Litva, Polšča i Ukraina nakiravali ŭ bryhadu pa bataljonu piachoty.
