Japonskija navukoŭcy stvaryli škło, jakoje pa tryvałaści nie sastupaje stali, paviedamlaje International Business Times.
Śpiecyjalisty univiersiteta Tokio pry vyrabie škła pavialičyli kolkaść aksidu aluminija, jaki adkazvaje za tryvałaść materyjału. Raniej pavialičyć kolkaść aksidu aluminija nie ŭdavałasia — sumieś pačynała kryštalizavacca ŭ chodzie pracesu ŭ kantejniery. Tamu navukoŭcy vyrašyli vyklučyć kantakt sumiesi z kantejnieram. Akramia taho, vytvorčaść škła prachodziła ŭ śpiecyjalnaj piečy.
U vyniku navukoŭcy atrymali prazrystaje i tonkaje škło, udvaja bolš tryvałaje, čym zvyčajna.
Raspracavany materyjał zmoža zrabić šklanyja budynki bolš ustojlivymi, zvyšmocnaje škło ŭ aŭtamabilach abaronić ad niehatyŭnych nastupstvaŭ sutyknieńniaŭ, a telefony narešcie atrymajuć niebitki dysplej.
Navukoŭcy prahnazujuć, što pradukty na asnovie tryvałaha škła pastupiać u prodaž ciaham najbližejšych piaci hadoŭ.
