Karaleŭskaja prakuratura Vialikabrytanii ŭ sieradu admoviłasia ad pazovu da 28-hadovaj studentki Bachar Mustafa, jakaja prapanavała ŭ poście ŭ sacyjalnaj sietcy «zabić usich biełych mužčyn».
Na dumku prakuratury, u dziejańniach Mustafy, abvinavačanaj u raspaŭsiudzie abraźlivych abo nieprystojnych paviedamleńniaŭ, nie było składu złačynstva. Pry hetym inicyjavała sudovy razhlad taksama prakuratura.
Advakaty Mustafy raskrytykavali dziejańni viedamstva. «Rašeńnie spačatku raspačać spravu i potym adstupicca, jakoje pryniała Karaleŭskaja prakuratura, dy jašče tak chutka, prymušaje sumniavacca ŭ jaje zdolnaści prymać razumnyja rašeńni pa dalikatnych spravach», — zajaviŭ advakat studentki.
Jak paviedamili ŭ prakuratury, rašeńnie nie pieraśledvać Mastafu ŭ sudzie ŭžo było abskardžana adnym z bakoŭ u jaje spravie.
Mustafa, jakaja arhanizuje ŭ svaim kaledžy mierapryjemstvy dla pradstaŭnikoŭ etničnych mienšaściaŭ na hramadskich pačatkach, i raniej abvinavačvałasia ŭ raspaŭsiudzie dyskryminacyjnych paviedamleńniaŭ. Tak, zaprašajučy studentaŭ na adnu z arhanizavanych joj viečarynak, jana prasiła biełych mužčyn nie prychodzić, navat kali zaprašeńnie trapiła im u ruki.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary