Cikavuju budučyniu Biełarusi abmalavaŭ rasijski historyk, kiraŭnik prajektu Regnum Madest Koleraŭ.
Na sajcie imhoclub.by jon vykłaŭ dzieviać punktaŭ jak buduć raźvivacca padziei ŭ našaj krainie ŭ siarednieterminovaj pierśpiektyvie. Pryvodzim ich całkam:
«1.Praciahniecca chutkaje zbližeńnie kirujučaj namienkłatury z Zachadam i jaho klijentami ŭnutry krainy.
2.Nacyjanalizacyja namienkłatury zrobić mienavita jaje hałoŭnym nośbitam nacyjanalistyčnaj rytoryki.
3.Adnosiny z Rasijaj pahoršacca da takoj stupieni, što Minsk stanie inicyjataram faktyčnaha zamarožvańnia svajho ŭdziełu ŭ Sajuznaj dziaržavie, ADKB i JEAES.
4.Tranzit z centralnaj Rasii ŭ Kalininhrad pa terytoryi Biełarusi i Litvy stanie praktyčna niemahčymym.
5.Tranzit z Rasii ŭ Polšču i dalej pa terytoryi Biełarusi budzie pieraviedzieny ŭ režym ručnoha kiravańnia.
6.Palityčnaja namenklatura pryviadzie da ŭłady uchvaleny Zachadam ekanamičny ŭrad libiertaryjancaŭ, jaki pačnie «šokavyja» reformy, hałoŭnym pryzam u jakich budzie svabodny dostup hramadzian Biełarusi na rynak pracy ŭ ES.
7.Ideałohijaj ŭłady stanie «nacyjanalnaje adradžeńnie», jakoje chutka piarojdzie ŭ etničny nacyjanalizm i rusafobiju pad vyhladam baraćby suprać «ruskaha impieryjalizmu».
8.Maskva budzie moŭčki nazirać za hetymi pieramienami, tolki zredku vystupajučy sa zvarotami Dziaržaŭnaj dumy da Minska ŭ abaronu «vialikaj družby»
9.Zachodniaja miaža Smalenskaj vobłaści znoŭ stanie paŭnavartasnaj miažoj Rasii».
Regnum.ru – adzin z čarnasocienskich rasijskich sajtaŭ, jaki nieadnarazova staviŭ pytańnie ab uvachodžańni Biełarusi ŭ skład Rasii. Vakoł «Rehnuma» hrupujucca taksama dziejačy ruskaha ruchu ŭ Biełarusi, jakija admaŭlajuć biełaruskuju dziaržaŭnaść, jak viciebski piśmieńnik Andrej Hieraščanka.
Što tyčycca samoha Madesta Kolerava, to jon pracavaŭ načalnikam upraŭleńnia prezidenta Rasii pa mižrelihijnych i kulturnych suviaziach. Koleraŭ abvieščany piersonaj non-hrata ŭ Litvie, Łatvii, Estonii, Hruzii.