U vioscy Dzivin Kobrynskaha rajona biespracoŭny mužčyna 1992 naradžeńnia abliŭ 20-hadovuju sužycielku bienzinam i padpaliŭ, paviedamili ŭ Ministerstvie pa nadzvyčajnych situacyjach Biełarusi.
Incydent adbyŭsia 5 listapada kala 01.40. Pavodle papiaredniaj viersii, u momant zdareńnia dziaŭčyna znachodziłasia ŭ domie sužyciela, dzie para raśpivała śpirtnyja napoi. Uspychnuła svarka, i małady čałaviek abliŭ dziaŭčynu bienzinam, paśla čaho padpaliŭ. Ahoń paškodziŭ paścielnyja prynaležnaści. Budynak i inšaja majomaść nie paciarpieła.
Z apiokami hałavy, šyi, tułava i vierchnich kaniečnaściaŭ 1-4-j stupieni (20% cieła) žančyna była špitalizavanaja. U ciapierašni čas jana znachodzicca ŭ reanimacyi. Lekary aceńvajuć jaje stan jak ciažki.
Abstaviny zdareńnia vyśviatlajucca. U dačynieńni da niepracujučaha mužčyny raspačataja kryminalnaja sprava pa č. 1 art. 14, č. 2 art. 139 KK Biełarusi.
