Najbujniejšy torent-trekier Rasiei biesterminova zabłakavany rašeńniem suda. Masharsud zadavoliŭ pazoŭ vydaviectva «Eksmo» i pryznaŭ publikacyju šerahu knih na RuTracker.org niezakonnaj.
Rašeńnie ŭstupić u siłu praz 30 dzion.
RuTracker zastaniecca dastupny ŭ Biełarusi, Ukrainie, Niamieččynie, ZŠA dy inšych krainach.
Kali vy šukajecie ŭsiaho Lema albo ŭsiu dyskahrafiju Metallica, to heta mahčyma tolki na rutracker-y. Tam unikalny kantent. Mnohija biełaruskija muzyki, naprykład, v e g e t a b l e s, sami vykładvali na rutrekiery svaje albomy, kab pavysić aŭdytoryju słuchačoŭ.
Pytańnie torent-trekieraŭ zastajecca supiarečlivym jak z punktu hledžańnia zachavańnia aŭtarskich pravoŭ, tak i z hledzišča hramadskaha intaresu. U bolšaści vypadkaŭ dastupnaść tvoraŭ na trekieraŭ pazbaŭlaje aŭtaraŭ srodkaŭ dla isnavańnia, a vydaviectvy — dachodaŭ.