Cieła 66-hadovaj piensijanierki z prykmietami hvałtoŭnaj śmierci znojdziena ŭ domie pa vulicy Maŭčanskaha ŭ Mahilovie. Zaviedziena kryminalnaja sprava za zabojstva.
Śledstvam ustanoŭlena dačynieńnie da ździajśnieńnia hetaha złačynstva 25-hadovaha syna zahinułaj. Mužčyna pražyvaŭ u kvatery razam z maci, paviedamili ŭ SK.
U mai hetaha hoda žančyna vykazała niezadavolenaść ładam žyćcia syna, adbyŭsia kanflikt, padčas jakoha padazravany nanios maci ŭdary pa hałavie. Ad atrymanych paškodžańniaŭ piensijanierka pamierła, a mužčyna schavaŭ cieła ŭ vannym pakoi, dzie jano i pralažała amal paŭhoda. Kab trupny pach nie adčuli susiedzi, syn pasprabavaŭ zahiermietyzavać vientylacyjnyja adtuliny, ščylna začyniŭ dźviery i abkleić ich skotčam.
Padazravany zatrymany, jon pad vartaj.
