Siońnia Nacbank zaprasiŭ žurnalistaŭ u schovišča, dzie pakazaŭ novyja banknoty, što buduć uviedzienyja ŭ lipieni 2016 h.
Novyja banknoty pa šyryni buduć amal takimi ž, jak ciapierašniaja kupiura ŭ 200 tysiač, ale roznymi pa daŭžyni, zaznačaje kp.by.
Samaj karotkaj źjaŭlajecca banknota ŭ 5 rubloŭ — jana ŭ daŭžyniu ŭsiaho 135 mm.
Samaja bujnaja i samaja doŭhaja — 500 rubloŭ. Kab jana całkam źmiaściłasia ŭ kašalok, jon pavinien być nie karaciejšym za 160 mm.
Dla paraŭnańnia: daŭžynia siońniašnich biełaruskich kupiur naminałam ad 100 rubloŭ da 200 tys. rubloŭ składaje 150 mm. Roźniacca jany tolki pa šyryni.
Daŭžynia kupiury ŭ 5 jeŭra składaje 120 mm, 20 jeŭra — 133 mm, 50 jeŭra — 140 mm. Daŭžynia amierykanskaha dalara — 155 mm.
Samaja bujnaja manieta — 2 rubli, vizualna vielmi padobnaja na jeŭra. Manieta vartaściu ŭ 1 kapiejku nahadvaje amierykanski cent, a 1 biełaruski rubiel vyhladaje amal hetak ža, jak rasijski, dadaje kp.by.
Manieta ŭ adnu kapiejku nahadvaje amierykanski cent
Manieta ŭ 2 rubli nahadvaje jeŭra
Manieta ŭ 1 rubiel nahadvaje rasijski anałah