13 listapada ŭ staličnym Pałacy mastactvaŭ adkryłasia pieršaja ŭ Biełarusi vialikaja dakumientalna-mastackaja vystava «Praŭda pra Kurapaty. Fakty, dakumienty, śviedčańni». Na jaje adkryćcio sabrałasia kala 100 naviednikaŭ.
Ekspazicyja raspaviadaje pra minułaje Kurapataŭ ciaham apošnich 27-mi hadoŭ, pra pieršaadkryvalnikaŭ Nacyjanalnaha niekropala i jaho abaroncaŭ, pra achviaraŭ stalinizmu. Na vystavie možna budzie daviedacca pra niezvyčajnyja fakty, ubačyć unikalnyja dakumienty, zdymki, artefakty, kinastužki i tvory vyjaŭlenčaha mastactva.
Na adkryćci vystavy prysutničali dypłamaty, hramadskija dziejačy i mastaki, tvory jakich uvajšli ŭ ekspazicyju.
Vystava budzie pracavać da 16 listapada.
