Unikalnuju stratehiju evalucyi ŭ bok spraščeńnia zafiksavali amierykanskija navukoŭcy. Pavodle vynikaŭ daśledavańnia, apublikavanaha ŭ Proceedings of the National Academy of Sciences, bujnaja žyvioła pieratvaryłasia ŭ adnakletačnaha parazita.
Fota: The University of Kansas
Navukoŭcy z Univiersiteta Kanzasa siekvienavali hienom parazitaŭ Myxozoa i vyśvietlili, što tyja naležać da typu strakalnych (Cnidaria), kudy ŭvachodziać mieduzy, karałavyja palipy i aniemony.
Dakazana, što Myxozoa nie tolki skaracili svoj pamier ź niekalkich miljonaŭ da niekalkich štuk kletak (10-20 mikron u dyjamietry), ale i pamienšyli svoj hienom na 90%, zrabiŭšy jaho adnym z samych maleńkich u śviecie žyvioł — kala 20 miljonaŭ bazavych par (u zvyčajnych strakalnych — bolš za 300 miljonaŭ).
Pry hetym Myxozoa zachavali najvažnuju asablivaść mieduz —niematacyty (strakalnyja kletki), razam ź nieabchodnymi dla ich stvareńnia hienami.
Paśla adkryćcia mikraskapičnych mieduz bijołaham pryjdziecca pierahledzieć ahulnapryniataje vyznačeńnie žyvioły: u ich adsutničajuć šmatlikija ŭłaścivaści, jakija vyznačajuć raźvićcio arhanizma.
Aŭtar daśledavańnia taksama adznačyła, što transfarmacyja Myxozoa, pry ŭsioj svajoj unikalnaści, moža akazacca nie adzinkavym vypadkam, a dosyć raspaŭsiudžanaj (choć i małaviadomaj) stratehijaj evalucyi.
