Jołačnyja bazary adkryjucca ŭ Minsku 22 śniežnia

Jołačnyja bazary adkryjucca ŭ Minsku 22 śniežnia, paviedamiła načalnik upraŭleńnia handlu i pasłuh Minharvykankama Nina Jemialjanava.

«Jołačnyja bazary buduć pracavać u stalicy z 22 pa 31 śniežnia. Ciapier handlovyja arhanizacyi Minska zaklučajuć dahavory ź lasnymi haspadarkami respubliki na pastaŭku naturalnych jełak dla prodažu na jołačnych bazarach», — raskazała surazmoŭca.

Usiaho zapłanavana atrymać kala 30 tys. naturalnych jełak, što daść mahčymaść poŭnaściu zadavolić popyt pakupnikoŭ, adznačyła Nina Jemialjanava. Płanujecca, što ŭ roźnicu cana jełak składzie: vyšynioj da 1 m — ad Br70 tys. da Br140 tys., da 2 m — ad Br80 tys. da Br180 tys., da 3 m — ad Br90 tys. da Br220 tys.

«Simvał śviata — navahodniaje dreva — pakul možna nabyć štučnaje, a da Rastva tradycyjna na jołačnych bazarach pakupnikam buduć prapanavany žyvyja jełki roznaj vyšyni. Darečy, nabyć jełku u kadkach užo možna ŭ firmiennym mahazinie Centralnaha bataničnaha sadu, košt jełki vyšynioj da 1,2 m składaje Br650 tys., vyšejšaj za 1,2 m — Br850 tys.», — udakładniła kiraŭnik profilnaha ŭpraŭleńnia meryi.

Razam z tym, pavodle jaje słoŭ, u žycharoŭ stalicy atrymlivajuć usio bolšuju papularnaść štučnyja navahodnija drevy, jakija nie patrabujuć śpiecyjalnaha dohladu, majuć estetyčny vyhlad i doŭhi termin słužby. Akramia taho pakupnikam prapanujucca dekaryravanyja jełki. «Kali ŭ minułym hodzie pakupnikam prapanoŭvałasia 30-40 vidaŭ, to ŭ biahučym — zvyš 100 vidaŭ jełak sa štučnych materyjałaŭ, u tym liku dekaryravanyja, vyšynioj ad 30 sm da 5 m pa roźničnych cenach ad Br53 tys. da Br5 młn. Ź ich kala 40 vidaŭ — ajčynnaj vytvorčaści», — zaŭvažyła Nina Jemialjanava.

Akramia taho, handlovyja arhanizacyi Minska ŭ śpiecyjalizavanych adździełach realizujuć bolš za 3 tys. raznavidnaściej jołačnych upryhažeńniaŭ, suvieniraŭ i inšaj śviatočnaj atrybutyki ŭ šyrokim cenavym dyjapazonie. Simvał 2016 hoda — małpa. Suvieniry ź simvałam hoda vyrableny z roznych materyjałaŭ: ad miakka nabiŭnych da vyrabaŭ sa škła, kieramiki, płastmasy, tekstylu, dreva ŭ roznych formach (ad mahnitaŭ da miakka nabiŭnoj cacki). Nabyć takija suvieniry možna pa canie ad Br15 tys. da Br450 tys. Z ajčynnych navinak siezona: vianok i chvojnaja štučnaja jełka «Piramida» vyšynioj 1,5 m.

Načalnik upraŭleńnia handlu i pasłuh Minharvykankama taksama dadała, što ZAT «Dobrušski farforavy zavod» vyrabiła fihurki z vyjavaj simvała hoda «Małpačka» troch vidaŭ (pa canie Br57,7 tys.), a taksama kubki z navahodniaj tematykaj (pa canie Br16 tys.), VRUP «Barysaŭski kryštalny zavod» — dekaratyŭny vyrab z kryštala «Małpačka» (pa canie Br67 tys.).

Dla ranišnikaŭ i dziciačych zabaŭlalnych prahram pakupnikam prapanujecca bolš za 80 vidaŭ karnavalnych kaściumaŭ ajčynnaj vytvorčaści pa cenach ad Br91,3 tys. da Br307 tys., a taksama kaściumy Dzieda Maroza i Śniahurki ad Br771,7 tys. da Br1,2 młn.

Akramia taho, pramysłovyja pradpryjemstvy respubliki vyrabili i adpravili dla realizacyi šyroki asartymient pryhožych dziciačych sukienak (vytvorčaść ZAT «Kalinka», AAT «Nadzieja»), tekstylnych vyrabaŭ — ručnikoŭ, survetak, kuchonnych naboraŭ, abrusaŭ i tkanin z navahodniaj tematykaj dla sierviroŭki śviatočnaha stała (RUVHP «Aršanski lnokambinat», AAT «Baranavickaje VBA», AAT «Rečycki tekstyl», AAT «Stužka»).

• 0
• 0
• 0
• 0
• 0
• 0
• 0
• 0