Płakat da prezientacyi albomu «Magister Bibendi» nie prajšoŭ uzhadnieńnia z čynoŭnikami.
Na płakacie kancertu, jaki musiŭ byŭ być raźmieščany na biłbordzie ŭ Minsku hurt źniaŭsia ŭ hrymie. Muzyki zaznačajuć, što takim čynam pieradajuć duch piersanaža ŭ honar jakoha byŭ nazvany albom.
«Dla nas Mahistr Bibiendzi ŭvasablaje adnačasova Duch rok-n-rołu, boha vinarobstva Dyjonisa i Barona Subotu, jaki ŭ našym vypadku vystupaje pravadnikom miž minułym i budučym», – hetak tłumačać muzyki kancept svajoj fotasiesii. Adnak, u adździele pa kantroli za rekłamaj Minharvykankama ich płakat paličyli nieadpaviednym dla raźmiaščeńnia.
Jak paviedamili Tuzin.fm u rekłamnym ahienctvie, jakoje zajmałasia ŭzhadnieńniem makieta, vyjavu muzykaŭ z razmalavanymi tvarami nie dazvolili, paličyŭšy ich zanadta žachlivymi i pałochajučymi.
«Moža ŭhledzili ŭ hetym čartaŭščynu i satanizm, ale hetych sensaŭ my nie ŭkładali. Kali z nas chočuć sarvać maski — dyk budzie jašče strašniej», – ź ironijaj prakamientavaŭ Tuzin.fm takoje rašeńnie čynoŭnikaŭ pradziusar hurtu Jaŭhien Kałmykoŭ.
Kancert-prezientacyja alboma «Magister Bibendi» zapłanavany ŭ Minsku 23 studzienia 2016 hoda.
