Rašeńniem naziralnaha savieta AAT «558-my avijacyjny zavod» (Baranavičy) abrany Pavieł Pinihin, jaki dahetul byŭ namieśnikam dyrektara pa raźvićci.
Jak paviedamiŭ pradstaŭnik Dziaržaŭnaha vajenna-pramysłovaha kamiteta pa infarmacyi i suviaziach z hramadskaściu Uładzimir Łaŭraniuk, rašeńnie naziralnaha savieta było pryniataje 26 listapada. Siońnia Pinihin pačaŭ pracavać na novaj pasadzie.
Pavieł Pinihin naradziŭsia 23 žniŭnia 1962 hoda ŭ Baranavičach. U 1986 hodzie skončyŭ Charkaŭskaje vyšejšaje vajennaje avijacyjnaje inžyniernaje vučylišča, a ŭ 2008 hodzie Akademiju kiravańnia pry prezidencie Biełarusi. Z 1986 pa 1992 hady prachodziŭ vajennuju słužbu na roznych inžynierna-techničnych pasadach u čaściach 26-j Pavietranaj armii VPS SSSR i VPS Biełarusi. Z 1992 hoda Pavieł Pinihin pracuje na 558-m avijacyjnym ramontnym zavodzie. Za 23 hady jon prajšoŭ šlach ad namieśnika načalnika cecha da namieśnika dyrektara pradpryjemstva pa raźvićci.
26 listapada vykanaŭca abaviazkaŭ staršyni Dziaržkamvajenprama Ihar Bykaŭ, pradstaŭlajučy pracoŭnamu kalektyvu AAT «558-my avijacyjny zavod» nanoŭ abranaha kiraŭnika arhanizacyi, adznačyŭ jaho prafiesijnyja i arhanizatarskija zdolnaści i pažadaŭ pośpiechaŭ na novaj pasadzie, a taksama nie zbaŭlać tempaŭ pazityŭnaj dynamiki raźvićcia, zakładzienaj papiarednim kiraŭnictvam.
Jon taksama vykazaŭ padziaku Uładzimiru Rybinu za zroblenaje ŭ bytnaść dyrektaram AAT «558-my avijacyjny zavod».
Rybin vyzvaleny ad pasady dyrektara ŭ suviazi z zakančeńniem terminu kantrakta na padstavie zajavy.
Jak zaznačajuć u Dziaržkamvajenpramie, siońnia AAT «558-my avijacyjny zavod» źjaŭlajecca pradpryjemstvam, jakoje dynamična raźvivajecca, ekanamična paśpiachovaje i lidziruje ŭ svajoj śfiery, daloka viadomaje za miežami krainy jak surjoznaje i nadziejnaje pradpryjemstva pa ramoncie i madernizacyi avijacyjnaj techniki.
Śpiektr pradukcyi i pasłuh 558-ha ARZ pastajanna pašyrajecca. Aprača asvajeńnia ramontu novych typaŭ avijatechniki pradpryjemstva raspracoŭvaje i vyrablaje sistemy radyjotechničnaj abarony latalnych aparataŭ ad vysokadakładnaj zbroi, taktyčnyja bieśpiłotnyja avijacyjnyja kompleksy, składanaje stendavaje abstalavańnie, arhanizuje servisnaje (paślaprodažnaje) absłuhoŭvańnie techniki, zajmajecca prajektavańniem i stvareńniem centraŭ łahistyčnaj padtrymki avijatechniki, navučańniem piersanału zamoŭnikaŭ ramontu i ekspłuatacyi avijacyjnaj techniki.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary