Rasija maje namier padać u sud na Ukrainu, kali Kijeŭ nie vypłacić doŭh u pamiery 3 młrd dalaraŭ da 20 śniežnia hetaha hoda, havorycca ŭ zajavie rasijskaha ministerstva finansaŭ.
Jak paviedamlaje viedamstva, na hetym tydni minfin atrymaŭ aficyjnuju admovu ad urada ZŠA dać harantyi pa abaviazacielstvach Ukrainy.
«U suviazi z hetym nam nie zastajecca ničoha inšaha, akramia jak padać u sud na Ukrainu ŭ vypadku nievykanańnia pazyčalnikam svaich abaviazacielstvaŭ u poŭnym abjomie 20 śniežnia biahučaha hoda, što budzie aznačać suvierenny defołt Ukrainy», — havorycca ŭ zajavie rasijskaha ministerstva.
U listapadzie kiraŭnik minfina RF Anton Siłuanaŭ zajaŭlaŭ, što Maskva hatovaja abmiarkoŭvać naŭprost z Kijevam prapanovy pa restrukturyzacyi ŭkrainskaha doŭhu. Pry hetym prahrama pa restrukturyzacyi doŭhu Ukrainy pierad Rasijaj u vypadku jaje ŭchvały pavinna «supravadžacca harantyjami realizacyi ŭkrainskim bokam hetaj prapanovy z boku albo ZŠA, albo ES, albo bujnoha banka pa ŭzhadnieńni z RF», kazaŭ Siłuanaŭ.
Paźniej minfin zajaviŭ, što Rasija nie budzie nakiroŭvać Ukrainie aficyjnaj prapanovy ab restrukturyzacyi doŭhu, pakul MVF nie pahodzicca dać svaje harantyi.
